Baslı ideya: «Stihia — bul siz»
«Stihia» festivalı — bul tiri organizm bolıp, hár bir adam onıń bir bólegi boladı. Samal, qum, quyash, muzıka, kórkem-óner — dóretiwshi, tamashagóy hám tábiyat arasında shegara joq.
Installyaciyalar ushın konceptual baǵdarlar:
– Stixiyaǵa sińisiw, shólistandı oy eleginen qayta ótkeriw.
Obyekt tábiyiy elementler (samal, qum, jaqtılıq, háreket) menen baylanısqan qorshaǵan ortalıqtıń bir bólegi retinde seziliwi tiyis.
Bir payıtları bul jerde teńiz bar edi, al, búgin ol biz arqalı tirishiligin dawam etpekte. Installyaciya pishini, dúzilisi, materialı arqalı halatlardıń ótiwin, suw, hawa hám jerdiń óz-ara tásirin kórsetiw áhmiyetke iye.
– Óz-ara tásir energiyası. Insan oray retinde.
Installyaciya adamnıń bar ekenligin ayna, sáwle, háreket, jaqtılıq, dawıs yamasa uslap kóriw sezimi arqalı sáwlelendiriwi múmkin.
Tamashagóy obyektke tek qarap ǵana qoymastan, onıń bir bólegine aylanadı — arasınan ótip kóredi, iz qaldıradı, óziniń bar ekenliginen strukturanıń ózgeriwin kóredi. Interaktivlik úlken áhmiyetke iye.
– «Espe qumdaǵı saǵım»
Barlıq installyacialar Kemeler qoyımshılıǵı janındaǵı qumlı landshaftta ornatıladı. Sonlıqtan, dóretpeler samal hám ıqlım sharayatlarına tózimli bolıwı, qorshaǵan ortalıqqa beyimlestiriliwi; búldirip ketilmeytúǵınday bolıwı tiyis.
arza tapsırıwdıń sońǵı múddeti: 28-fevral
Arzanı mına siltemedegi formanı toltırıw arqalı tapsırsańız boladı: https://forms.gle/Ex9T7cS4hWpwF1jaA
2025 jılǵı forum haqıyqıy, ilham baǵıshlawshı hám tań qalarlı waqıyalarǵa baǵıshlanadı. biz óz tájiriybelerin bólisip, Qaraqalpaqstan turmısı, iskerligi, mádeniyatı, joybarları, waqıyaları haqqında aytıp beriwge, sonday-aq, aymaq xalqı ushın qızıqlı bolıwı múmkin bolǵan temalardı usınıwǵa tayın adamlardı izlemektemiz. Stihia N+1 forumı – bul waqıyalar menen almasıw platforması:
– jergilikli xalıq festival miymanları menen Qaraqalpaqstan turmısı, mádeniyatı hám tariyxı haqqında gúrrińleri menen bólisedi
– Ózbekstan hám basqa mámleketlerden kelgen festival miymanları óz joybarları, tájiriybeleri hám ideyaları menen jergilikli xalıqqa yosh beredi
eger siz festivalǵa kelmekshi bolsańız hám jergilikli xalıqtı ilhamlandıratuǵınday qızıqlı gúrrińińiz bolsa yamasa qızıqlı tariyxga iye Qaraqalpaqstan turǵının tanısańız (yamasa ózińiz de Qaraqalpaqstannan bolsańız), bul haqqında bizge xabar beriń! biz bayanatshılardıń ózlerinen de, gúrrińleri tıńlawǵa ılayıq bolǵan insanlar haqqındaǵı usınıslardı da qabıl etemiz.
arza tapsırıwdıń sońǵı múddeti: 12-mart
Arzanı mına siltemedegi formanı toltırıw arqalı tapsırsańız boladı:
https://forms.gle/mkAyAT6nqWHiXQW58
Stixiya – Oraylıq Aziyadaǵı eń iri elektron muzıka festivalı bolıp, biz bıyılǵı laynaptı jańa atlar menen bayıtıwdı niyet etip otırmız.
Eger siz ashıq saxnalardıń birinde ónerińizdi kórsetkińiz kelse, onda profil basındaǵı silteme arqalı formanı toltırıwıńız kerek.
Sonı da atap ótiw orınlı, biz logistika, turaq jay hám gonorar ǵárejetlerin qaplap bermeymiz, biraq tańlanǵan muzıkantlardı festivaldıń ulıwma laynapı daǵazalarında kórsetemiz.
Atap ótiw áhmiyetli! Tiykarǵı eki saxnanıń laynapınan ótken artistlerge gonorarlar tólenedi, sonday-aq, olardıń samolyot pulı, jataq jayı hám awqatlanıwı tolıq qaplanadı.
Bul open callda, dál #BackToMuynak open deck saxnası (tamashagóyler ushın biypul saxna) hám óz dóretiwshiligin festivalda shıǵıp kórsetiwdi qálewshi (mısalı, olsız da bári bir Stixiyaǵa baratuǵın, kópten beri Stixiyada óner kórsetiwdi qálegen, úlken saxnada ájayıp debyutin atqarıwdı yaki jay ǵana ájayıp tárizde óz atın kóteriwdi qáleytuǵın) jas artistler haqqında sóz etilip atır.
arza tapsırıwdıń sońǵı múddeti: 28-fevral
Arzanı mına siltemedegi formanı toltırıw arqalı tapsırsańız boladı: https://forms.gle/my3rJdT5qw3TpX2y7