QUPÍYALÍLÍQ SIYASATÍ
Kirisiw
“Компания Неопределенных Проектов” (“КНП”) JShJ siz haqqında maǵlıwmatlardıń qupıyalılıǵın óz moynına aladı. Bul qupıyalıq siyasatınıń maqseti biz siz haqqında toplaǵan jeke maǵlıwmatlardan, bizde bar bolǵan hár qanday jeke maǵlıwmatlarǵa bolǵan huqıqlarıńızdan qalay paydalanıwımızdı túsindiriw bolıp tabıladı.
Bul qupıyalılıq siyasatı sizge tómendegi jaǵdaylarda qollanıladı: eger siz AJK tárepinen islep shıǵarılǵan yamasa shólkemlestirilgen orın yamasa ilajǵa kelseńiz, ilajlarımızdıń birine bilet satıp alsańız, xızmetlerimizdiń birin paydalansańız yamasa ónim yamasa xızmetlerimizden telefon, Internet, mobil qosımshalarımız yamasa basqa jollar arqalı paydalansańız, sonday-aq, biziń qálegen veb-saytımızdan paydalanıp, yamasa biz benen sociallıq tarmaqlarda (biziń xızmetlerimiz) óz-ara baylanısta bolıp, yamasa bizge ónim yamasa xızmetlerdi jetkerip beriw yamasa biz menen shártnama dúziw jaǵdaylarında.
Biz kimbiz?
“Компания Неопределенных Проектов” (“КНП”) JShJ 100 % jeke menshik kárxana, Ózbekstandaǵı kewilashar mákemeler hám ilajlardıń promouteri bolıp tabıladı.
Biziń baylanıs boyınsha maǵlıwmatlarımız
Eger sizde usı qupıyalılıq siyasatı yamasa biziń maǵlıwmatlardı qayta islew ámeliyatımız haqqında pikirlerińiz yamasa sorawlarıńız bolsa, olardı bizge company@unknownprojects.org mánziline jiberiń, yamasa mına pochta mánzilimizge xat jiberiń: Doslıq MPJ, Ájiniyaz kóshesi, 276, Moynaq qalası, Ózbekstan.
Jeke maǵlıwmatlar
Biz siziń jeke maǵlıwmatlarıńızdı ózińiz bizge usınǵanıńızda yamasa ilajlarımız ushın biletlerden paydalanǵanińizda yamasa satıp alǵanıńızda alamız. Biz toplaytuǵın hám paydalanatuǵın jeke maǵlıwmatlar taypaları:
- atıńız; elektron pochta adresi; telefon nomeri, jınısıńız, tuwılǵan sáneniz, jasıńız hám / yamasa jas aralıǵı;
- biziń veb-saytimizga kiriw ushın siz paydalanǵan qálegen qurılma haqqında maǵlıwmat;
- veb-saytımızǵa kirgen betler yamasa bólimler haqqında maǵlıwmatlar;
- bank esap beti maǵlıwmatları, tólem kartası maǵlıwmatları;
- biz menen telefon, elektron pochta, pochta arqalı baylanısqanıńızda yamasa sociallıq tarmaqlar arqalı biz menen baylanısqanıńızda bizge siz usınatuǵın maǵlıwmatlar;
- tańlawlar, dawıslar hám sorawlarǵa juwap beriw arqalı siz bergen juwaplar;
- siziń shaxsıńız, ulıwma kórinip turǵan profilińiz, sociallıq tarmaqtaǵı jazılıwlarıńız hám layklarıńız; hám
- qálegen waqıtta xızmetlerimizden paydalanǵanda bizge jarıyalawıńız múmkin bolǵan basqa jeke maǵlıwmatlar.
Siziń jeke maǵlıwmatlarıńızdı birge paydalanıw
Biz siziń jeke maǵlıwmatlarıńızǵa sherik shólkemlestiriwshilerimizge, sonday-aq, Ózbekstan Respublikasınıń mámleketlik organlarına olardıń sorawına qaray kiriw ruxsatın beremiz.
Bul bólimde joqarıda kórsetilgen jaǵdaylardan tısqarı, biz hesh qashan jeke maǵlıwmatlarıńızdı sizge xabar bermesten hám/yaki siziń razılıǵıńızdı almastan úshinshi tárepke ótkermeymiz, satpaymız yamasa paydalanıp turıwǵa bermeymiz.
“Cookie”ler
Biz veb-saytlarımızda cookie-fayllar hám veb-mayaklardan paydalanamız. Úshinshi tárepler de ózleriniń cookie-faylların kórip shıǵadı, redaktorlaydı yamasa ornatadı yamasa veb-saytlarımızǵa veb-mayaklardı ornatadı. Cookie-fayllar hám veb-mayaklar bizge hám úshinshi shaxslarǵa sizdi basqa veb-sayt paydalanıwshılarınan ajıratıp turıwǵa múmkinshilik beredi.
Cookie-fayllar hám veb-mayaklardı biz hám úshinshi tárepler tómendegi maqsetler ushın paydalanamız:
- veb-saytlarımızdıń ayırım funkciyaların qosıw ushın (mısalı, onlayn-dúkannan sawda islegende qarıydarǵa sebetti saqlap qalıwǵa ruxsat beriw);
- veb-saytlarımızdıń trafigin analizlew ushın (mısalı, biz belgili bir betti qansha adamnıń kórgenligin esaplawımız yamasa veb-sayttan paydalanǵanda kiriwshilerdiń qalay háreketleniwin kóriwimiz hám bul maǵlıwmatlardı veb-sayttı jetilistiriw ushın paydalanıwımız múmkin);
- targeting reklamaların sazlawǵa járdem beriw;
- retargetingdi (bul sizge aldın veb-saytta kórgen, biraq satıp almaǵan ónim yamasa xızmetlerdiń reklamasınıń kórsetiliwi) ámelge asıra alıwımız ushın;
- siz biziń sociallıq tarmaqlardaǵı veb-saytlarımız benen óz-ara baylanısta bola alıwıńız ushın.