Maxfiylik siyosati

Kirish

“Компания Неопределенных Проектов” MChJ (“КНП”) sizning shaxsiy ma’lumotlaringizni himoya qilish majburiyatini oladi. Ushbu Maxfiylik siyosatining maqsadi biz siz haqingizda to‘plagan shaxsiy ma’lumotlardan qanday foydalanishimizni va bizda mavjud bo‘lgan shaxsiy ma’lumotlaringizga nisbatan huquqlaringizni tushuntirishdan iborat.

Agar siz КНП tomonidan tashkil etilgan joyga yoki tadbirga tashrif buyursangiz, tadbirlarimizdan biriga chipta sotib olsangiz, xizmatlarimizdan birini xarid qilsangiz yoki telefon, internet, mobil ilovalarimiz orqali yoki boshqa usulda mahsulotlarimiz yoki xizmatlarimizdan foydalansangiz, veb-saytlarimizdan biridan foydalansangiz yoki ijtimoiy tarmoqlarda biz bilan muloqotda bo‘lsangiz (bizning Xizmatlarimiz), yoki bizga mahsulot yoki xizmatlar yetkazib bersangiz yoxud biz bilan shartnoma tuzsangiz, ushbu Maxfiylik siyosati sizga nisbatan qo‘llaniladi.

Biz kimmiz?

“Компания Неопределенных Проектов” MChJ 100 foiz xususiy korxona bo‘lib, O‘zbekistondagi ko‘ngilochar maskanlar va tadbirlarning tashkilotchisi hisoblanadi.

Aloqa ma’lumotlarimiz

Ushbu Maxfiylik siyosati yoki ma’lumotlarni qayta ishlash usullarimiz bo‘yicha biror fikr yoki savollaringiz bo‘lsa, ularni company@unknownprojects.org manzilimizga yuboring yoki quyidagi pochta manzilimizga xat jo‘nating: Doslik MFY, Ajiniyaz ko‘chasi, 276-uy, Mo‘ynoq shahri, O‘zbekiston.

Shaxsiy ma’lumotlar

Biz shaxsiy ma’lumotlaringizni ularni bizga o‘zingiz taqdim etganingizda yoki tadbirlarimizga chiptalardan foydalanganingizda yoki ularni xarid qilganingizda olamiz. Biz to‘playdigan va foydalanadigan shaxsiy ma’lumotlar toifalari quyidagilardan iborat:

• ism; elektron pochta manzili; telefon raqami, jinsi, tug‘ilgan sanasi, yoshi va/yoki yosh oralig‘i;

• veb-saytimizga kirish uchun foydalangan har qanday qurilmangiz haqidagi ma’lumot;

• veb-saytimizda tashrif buyurgan sahifalaringiz yoki bo‘limlar haqidagi ma’lumotlar;

• bank hisobvarag‘i rekvizitlari, to‘lov kartasi ma’lumotlari;

• telefon, elektron pochta, pochta orqali yoki ijtimoiy tarmoqlar orqali biz bilan bog‘langaningizda bizga taqdim qilgan ma’lumotlaringiz;

• tanlovlar, ovoz berishlar va so‘rovnomalarga javob berganingizda taqdim etgan javoblaringiz;

• ijtimoiy tarmoqlardagi shaxsiy ma’lumotlaringiz, ommaviy profilingiz, obunalaringiz va yoqtirganlaringiz;

• va xizmatlarimizdan foydalanish davomida istalgan vaqtda bizga oshkor qilishingiz mumkin bo‘lgan boshqa shaxsiy ma’lumotlar.

Shaxsiy ma’lumotlaringizdan birgalikda foydalanish 

Shaxsiy ma’lumotlaringizga bizning hamkorlarimiz, shuningdek O‘zbekiston Respublikasi davlat organlariga ularning so‘roviga ko‘ra kirish huquqini beramiz.

Ushbu bo‘limda yuqorida aniq ko‘rsatilgan holatlardan tashqari, sizni xabardor qilmasdan va/yoki roziligingizni olmasdan shaxsiy ma’lumotlaringizni hech qachon uchinchi tomonga uzatmaymiz, sotmaymiz yoki ijaraga bermaymiz.

Kukilar

Veb-saytlarimizda cookie fayllari va veb-mayoqlardan foydalanamiz. Uchinchi tomonlar ham o‘zlarining cookie fayllarini ko‘rish, tahrirlash yoki o‘rnatish yoki veb-saytlarimizda veb-mayoqlarni joylashtirish uchun xizmat qiladi. Cookie fayllar va veb-mayoqlar bizga va uchinchi tomonlarga sizni veb-saytning boshqa foydalanuvchilaridan farqlash imkonini beradi.

Biz va uchinchi tomonlar cookie fayllari va veb-mayoqlardan quyidagi maqsadlarda foydalanamiz:

• veb-saytlarimizning ayrim funksiyalarini ishga tushirish uchun (masalan, xaridorga onlayn do‘konda xarid qilayotganda savatni saqlab qolish imkonini berish uchun);

• veb-saytlarimizga tashriflarni tahlil qilish uchun (masalan, ma’lum bir sahifani qancha odam ko‘rganini hisoblash yoki tashrif buyuruvchilar veb-saytdan foydalanayotganda qanday harakatlanishini kuzatish va bu ma’lumotlardan veb-saytni takomillashtirish uchun foydalanish);

• targeting reklamalarini sozlashda yordam berish;

• retargeting(bu sizga avval veb-saytda ko‘rgan, lekin xarid qilmagan mahsulot yoki xizmatlarning reklamasi ko‘rsatilishi)ni amalga oshirishimiz uchun;

• va ijtimoiy tarmoqlardagi veb-saytlarimiz bilan o‘zaro aloqada bo‘lishingiz uchun.