«Компания Неопределенных Проектов» JShJ (“Biz”) Qaraqalpaqstan Respublikası Moynaq qalasında 29-31 may kúnleri ótkeriletuǵın “Stihia” elektron muzıka hám kórkem-óner festivalınıń iyesi hám bas shólkemlestiriwshisi bolıp esaplanadı (“Ilaj”).
Ilajǵa kiriw imkaniyatı hám onda qatnasıwıńız shártleri usı ǵalabalıq oferta shártleri arqalı tártiplestiriledi. Ilajǵa bilet (“Bilet”) satıp alıw arqalı siz Ilajdı ótkeriwdiń usı shártlerin qabıl etken bolasız.
- Ilajǵa kiriw ruxsatın alıw ushın siz haqıyqıy Bilettı kórsetiwińiz shárt.
- Bul shártlerge qosımsha túrde, siz www.stihia.org saytındaǵı jiyi soralatuǵın sorawlar bólimi qaǵıydaları menen tanısıp shıǵıwıńız kerek (bar bolsa).
- Biletlerdı baspadan shıǵarıp alıw, yaki, eger elektron bilet bolsa, mobil telefonıńızdan kórsetseńiz boladı.
- Barlıq biletler kirgen jerde tekseriledi hám skanerlenedi. Ilaj ótkeriletuǵın sáne hám waqtın biliw ushın Biletińızdı tekserip alıwıńız kerek.
- Ilajda múddeti ótpegen shaxstı tastıyıqlawshı hújjet (pasport, ID karta, aydawshılıq gúwalıǵı) kórsetiliwi kerek. Biz múddeti ótken hújjetlerdi qabıl ete almaymız. Eger siz haqıyqıy shaxstı tastıyıqlawshı súwretli hújjetti usına almasańız, aqshalarıńız qaytarılmaǵan halda, kiriwińiz biykarlanıwı múmkin.
- Ilajǵa kirgende bilettı brasletke almastırıwıńız kerek.
- Ilaj dawamında brasletti taǵıp júriwińiz shárt. Biz Ilaj waqtında qálegen waqıtta brasletlerdi tekseriw huqıqın ózimizde saqlap qalamız. Zaqım kelgen brasletler jaramsız dep tabılıwı múmkin.
- Ilajda qatnasıw ushın keminde 18 jasqa tolǵan bolıwıńız kerek.
- Ilajǵa keliw ushın tómendegi sheklewler qollanıladı hám olardıń qálegen birewiniń buzılıwı tólemińiz qaytarılmaǵan halda Ilajǵa kiriwińizdiń biykarlanıwına yamasa onnan shıǵarıp jiberiliwińizge alıp keliwi múmkin:
- alaman ishine sekiriw hám agressivlik minez-qulıqlar qadaǵan etiledi;
- náshebentlik zatlar qadaǵan etiledi;
- ózi menen spirtli ishimlikler alıp kiriw múmkin emes;
- shıyshe ıdıslar qadaǵan etiledi;
- feyerverkler, signallı raketalar, tútinli shashkalar, jarılıwshı zatlar, oq atar qurallar, pıshaqlar, qanjarlar; yamasa qural yaki raketa retinde qollanılıwı múmkin bolǵan, yaki biziń pikirimizshe, ilaj ótkeriletuǵın orınǵa keliwshiler ushın qáwip yamasa qolaysızlıq tuwdırıwı múmkin bolǵan qálegen basqa nárse (bunday nárse nızamǵa qarsı yamasa belgili bir maqsetlerde alıp kirilip atırǵanına qaramastan) qadaǵan etiledi;
- hesh qanday qáwenderlik, reklama yamasa marketing materialların alıp kiriw múmkin emes;
- ruxsatsız professional foto súwretke yamasa videoǵa alıw qadaǵan etiledi.
- Biz qálegen túrdegi qadaǵan etilgen nárselerdi konfiskaciyalaw huqıqın ózimizde saqlaymız. Qadaǵan etilgen buyım tabılǵan shaxstıń tólemi qaytarılmaǵan halda Ilajǵa kiriwi biykarlanadı. Bunday shaxs Ózbekstan Respublikası nızamshılıǵına muwapıq juwapkershilikke tartılıwı múmkin.
- Eger huqıqbuzıwshılıq yamasa jınayat ámelge asırılǵan dep esaplasaq, siziń maǵlıwmatlarıńızdı tiyisli organlarǵa jiberiw huqıqın ózimizde saqlaymız.
- Biz náshebentlik zatlarǵa qarata qatań tártip siyasatın júrgizemiz. Nızamǵa qarsı zatlar anıqlanǵan shaxsqa ruxsat berilmeydi, ol tólemi qaytarılmay Ilajdan shetletiledi, sonday-aq, jınayıy juwapkershilikke tartılıwı da múmkin.
- Ilajda aldın ala biziń jazba razılıǵımızdı almastan sawda yamasa basqa kommerciyalıq iskerlik, sonıń ishinde, marketing, reklama yamasa flayposting ótkeriw qadaǵan etiledi.
- Sizge Ilajdan aldın hawa-rayı maǵlıwmatı menen tanısıwdı hám kútilip atırǵan sharayatlarǵa say kiyim hám ayaq kiyim tayarlawdı usınıs etemiz. Hawa-rayınıń qolaysızlıǵı sebepli tólem pulları qaytarıp berilmeydi.
- Biz hesh qanday jaǵdayda jeke múlkińizdiń joǵalıp ketiwi, zıyanlanıwı yamasa urlanıwı ushın juwapker emespiz.
- Ilaj dawamında videoǵa hám fotoǵa túsiriw jumısları alıp barıladı, olarǵa siz kútilmegende yamasa sanalı túrde túsiwińiz múmkin hám olar (kommerciyalıq yamasa basqa maqsetlerde) tólemsiz tarqatılıwı múmkin. Ilajda qatnasqanıńızdıń ózinde-aq bunday suwretlerge túsiwge razılıq bildirgen bolıp esaplanasız.
- Ilajda arnawlı sociallıq támiynat hám medicinalıq xizmet kórsetiw aymaǵımız boladı. Eger qanday da bir sebepke bola siz yamasa basqa birew ózin biyjaǵday sezse, bul haqqında tez volontyorlarǵa yamasa shólkemlestiriwshilerge xabar beriń.
- Ilaj qatnasıwshısı tómendegi jaǵdaylarda Ilajdan shetletiliwi múmkin (hám bul haqqında huqıq qorǵaw organlarına xabar beriledi), eger biziń tıyanaqlı pikirimizshe, bul qatnasıwshı:
- qálegen bir keliwshiniń qáwipsizligine qáwip tuwdırsa hám/yaki basqa keliwshiler/ qatnasıwshılardıń qolaylıǵına unamsız tásir kórsetse. Buǵan alkogolli ishimlikten máslik jaǵdayında bolıw (yamasa sonday kórinis), háreketine juwap bere almaw, kúshli máslik yamasa qadaǵan etilgen náshebentlik zatlar tásiri astında bolıw, kemsitiwshi minez-qulıqlar, qorqıtıw, qural yamasa qadaǵan etilgen zatlardı alıp júriw, tintiwden bas tartıw, Ilaj shólkemlestiriwshileriniń sanalı kórsetpelerin orınlamaw yamasa bul Shártlerdiń qálegen birewin buzıw sıyaqlı jaǵdaylar kiredi.
- jámiyetke qarsı júris-turıslardı ámelge asırsa. Buǵan hádden tıs jalańashlıq, jámiyetlik orınlarda jınısıy háreketlerdi ámelge asırıw, psixoseksuallıq submádeniyatlardıń atributları hám kiyimlerinen hádden tıs paydalanıw sıyaqlı mısallar kiredi.
- Eger bunday qatnasıwshı Ilajdan shıǵarıp jiberilgen yamasa onıń Ilajǵa kiriwi biykarlanǵan bolsa, ol aqshalardı qaytarıp alıw huqıqına iye emes hám onıń qanday usılda satıp alınǵanı yamasa alınǵanına qaramastan, basqa Bilet arqalı qayta kiriwine ruxsat berilmeydi. Bunnan tısqarı, bunday shaxs biziń qara dizimimizge kirgizilip, keyingi ilajlarǵa qatnasa almaydı.
- Ilaj dawamında siz bálent dawıslı muzıka, tútin hám/yaki stroboskopikalıq shıraqlar tásirine dús keliwińiz múmkin. Bálent dawıslı muzıkanıń uzaq waqıt dawamında tásir etiwi esitiw qábiletin zaqımlawı múmkin ekenligin itibarǵa alıwıńızdı soraymız. Biz barlıq qatnasıwshılarǵa ózleri zárúr dep esaplaǵan hár qanday saqlıq ilajların kóriwdi qatań usınıs etemiz.
- Bilettı satıp alıw menen birge siz jeke maǵlıwmatlarıńız Ózbekstan Respublikasınıń maǵlıwmatlardı qorǵaw haqqındaǵı nızamshılıǵına, sonday-aq, www.stihia.org saytındaǵı Qupıyalılıq siyasatımızǵa muwapıq toplanıwı hám saqlanıwına kelisim bergen bolıp esaplanasız.
- Ilajǵa ózińiz táwekel etip, qáwiplerdi esapqa alıp, qatnasasız. Biz hám biziń sheriklerimiz ilaj dawamında keltirilgen hár qanday zıyan, jaraqat yamasa zaqım, atap aytqanda, buyım-múlikke zıyan keltiriliwi, olardıń urlanıwı yamasa joǵalıp ketiwi ushın juwapkershilikti moynına almaydı.
- Biz waqtı-waqtı menen bul Shártlerdi qayta kórip shıǵıw, ózgertiw hám Ilajdıń veb-saytında onıń jańa versiyasın járiyalaw huqıqına iyemiz. Veb-sayttan paydalanıwdı dawam etip yamasa Ilajǵa kelip, siz Ilajlardı ótkeriwdiń ózgeris kirgizilgen shártlerine razılıq bildiresiz.
- Bul Shártler Ózbekstan Respublikası nızamshılıǵı menen tártiplestiriledi hám olar menen baylanıslı barlıq dawlar tek Ózbekstan Respublikası sudı tárepinen kórip shıǵılıwı kerek.
“The Unidentified Projects Company” JShJ
Mánzili: Qaraqalpaqstan Respublikası, Moynaq rayonı, “Doslıq” Mákan puqaralar jıyını, Berdaq kóshesi, 276-úy
E/b (swmda): 2020 8000 0055 0598 9002
E/b (valyutada): 2020 8840 2055 0598 9002
“Kapitalbank” AKB Tashkent qalası Bas Ofisinde
MFO: 00974
STIR: 309349135
TÓLEM SISTEMALARÍ: