Stihia Muynak Longterm Unified Sustainability (STIMULUS) – Стихия фестивалининг хайрия дастури бўлиб, Мўйноқда узоқ муддатли, ижобий ўзгаришларни амалга оширишга йўналтирилган.
Мўйноқ, бир пайтлар Орол денгизи қирғоғида гуллаб-яшнаган порт-шаҳри, ҳозирда экологик фожиа майдонига айланган. STIMULUS ресурсларни аниқ вазифаларга йўналтириш орқали шу муносабат билан юзага келадиган муаммоларни ҳал қилишга интилади.
Фестивалнинг Stihia Gen таълим дастури сингари бошқа институтсионал саъй-ҳаракатлари доирасида STIMULUS Мўйноқ аҳолисининг турмуш шароитларини яхшилаш бўйича амалий ва самарали ечимлар ишлаб чиқишга алоҳида эътибор қаратади. Ушбу дастурлар биргаликда ушбу тарихий ва маданий аҳамиятга эга минтақада яхшиланишларга эришиш учун маданий тадбирларни муҳим ҳаракатлар ва глобал эътибор билан интеграциялашуви ҳақидаги қарашларимизни акс эттиради.
Лойиҳалар маҳаллий мактаблардаги жиҳозларни янгилаш каби кичик ташаббуслардан тортиб, касб-ҳунар тайёрлаш дастурларини молиялаштириш ва спорт иншоотларини барпо этиш каби йирик лойиҳаларгача бўлиши мумкин. Биз барчани нафақат мусиқа ва санъатнинг ўзгартирувчан кучини ҳис этишга, балки Мўйноқнинг узоқ муддатли тараққиётига ўз ҳиссасини қўшишга ҳам даъват этамиз.
Мўйноқда ривожланиш лойиҳасини ҳар қандай хоҳловчи киши бошлаб бериши мумкин. Биза хабар юборинг. Биз ижодий, узоқ муддатли ва институтсионал лойиҳаларни маъқул кўрамиз. Бу таълим, атроф-муҳитни муҳофаза қилиш, энергия тежаш ёки барқарор ривожланиш билан боғлиқ бошқа соҳага тааллуқли бўлиши мумкин.
Ҳар бир сўровни диққат билан кўриб чиқишга ваъда берамиз ва агар у бизнинг мақсад ва қарашларимизга мос келса, сиз билан албатта боғланамиз.
